Lego Sykurpúðar

May 15, 2015

 

 

Vorið 2015 var ég au-pair í Danmörku. Ég var að passa tvo stráka sem voru eins árs og 4-5 ára. Í maí varð eldri eldri strákurinn 5 ára og við héldum afmælispartý með lego-þema. Það var föndrað, skreytt og bakað og það kemur kannski ekkert á óvart en mér þótti þessi afmælisundirbúningur alls ekki leiðinlegur. 

Hann fór svo með bakstur í leikskólann til að fagna afmælinu þar. Við ákváðum að gera lego-hausa úr sykurpúðum. Þeir komu heldur betur skemmtilega út og eru mjög auðveldir í framkvæmd!

 

 

Lego-hausar – Innihald:

 

Sykurpúðar, venjuleg stærð.

Litlir sykurpúðar. (Til í søstrene grene)

½ Poki, gulur Candy Melts (Fæst t.d. í Allt í köku)

Ca 1 msk Kókosolía

Grillpinnar eða kökupinnar

 

 Aðferð:
  • Setjið stóran sykurpúða á grillpinna og svo lítinn ofan á þann stóra. Ég geymi grillpinnana svo á froðuplastbita, en einnig er hægt að nota glös og setja sykur í glösin og stinga pinnunum svo í.

  • Bræðið candy melts á lágum hita í örbylgjunni. Bætið kókosolíunni út í, aðeins til að þynna. Gott að geyma sykurpúðana á pinnunum í ísskápnum á meðan þið bræðið candy melts af því það harðnar betur á sykurpúðunum ef þeir eru kaldir!

  • Takið einn og einn sykurpúðapinna í einu út úr ísskápnum og dýfið í sykurbráðina. Gott að hafa í háu, mjóu glasi þannig að það sé hægt að dýfa öllum sykurpúðunum ofan í, en einnig er hægt að taka skeið og moka yfir sykurpúðana.

  • Látið sykurbráðina leka af sykurpúðunum. Gott að “banka” pínu á pinnan og snúa pinnanum þannig að það leki fljótar af og hætti hraðar að leka. Setjið pinnan svo aftur í ísskápinn.

Þegar öllum pinnunum hefur verið dýft í candy melts þá er fínt að geyma þá í kæli í ca 5-10 mín og gera glassúr á meðan til að teikna andlitin.

 

 

Glassúr
  • Setjið ca 3-4 msk af flórsykri í skál og 1-2 tsk vatn.

  • Það er best að hafa glassúrinn vel þykkan svo að hann leki ekki af pinnunum. Setjið síðan svartan matarlit út í. Ég mæli eindregið með Wilton gel-matarlitnum sem fást einnig íAllt í köku.

  • Svo er bara að skella þessu í sprautuplastpoka með litlu gati/litlum stút og gera andlit! Gaman að hafa þau mismunandi.


    Krökkunum í leikskólanum fannst þetta æðislegt og tímdu varla að borða! 

 

 

- Unnur Anna - 

 

Please reload

Our Recent Posts

Ávextir með Súkkulaðirjóma!

July 30, 2018

Súkkulaðibitasmáköku-terta!

July 12, 2018

Sykur- og glúteinlausar ostakökur

June 13, 2018

1/1
Please reload

Tags

I'm busy working on my blog posts. Watch this space!

Please reload

©2018 by unnuranna.com

  • Instagram Social Icon