Our Recent Posts

Tags

No tags yet.
  • Unnur Anna

Súkkulaðibitasmáköku-terta!

Þið heyrðuð það rétt! Súkkulaðibitasmáköku-terta, með kökudeigskremi, karamellufrosting og púðursykurssmjörkremi! Gerist ekki mikið dásamlegra og sætari en þessi hér!

Ég mæli hiklaust með þessari fyrir næsta saumaklúbb, afmæli eða bara með kaffinu!

Uppskriftin er í nokkrum liðum og það er alveg hægt að gera smákökubotnana og kökudeigið deginum fyrr - en ég mæli með því að gera smjörkremið og karamellufrosting-ið sama dag og þið setjið kökuna saman.

Hér er uppskriftin:

Smákökubotnar:

250 gr smjör við stofuhita

150 ml sykur

150 ml púðursykur

2 egg

1 tsk vanilludropar

1/2 tsk salt

3 bollar hveiti

1 tsk matarsódi

1 msk maizenamjöl

Smá mjólk

½ bolli rjómasúkkulaðidropar

Smákökubotnar aðferð:

  • Þessi kaka er stór og dugar fyrir marga.

  • Stillið ofninn á 170c

  • Hrærið saman smjör, sykur og púðursykur í hrærivél

  • Bætið eggjunum útí, einu í einu og hrærið á milli.

  • Bætið vanilludropum út í og hrærið.

  • Blandið þurrefnunum saman í aðra skál.

  • Með hrærivélina stillta á lágan hraða, bætið þurrefnunum út í hægt og rólega.

  • Bætið við smá mjólk (ca 1 dl) þannig að deigið sé örlítið þykkara en venjulegt skúffukökudeig.

  • Bætið súkkulaðidropunum út í og hrærið lítið (gott að hræra með sleikju)

  • Notið nú teskeið eða hálfa matskeið (notið mæliskeiðina sjálfa eða eitthvað álíka) til að gera 8 jafnlitlar smákökur (notað til að skreyta) og bakið í 8-10 mínútur eða þar til þær eru orðnar gylltar við endann.

  • Skiptið restinni af deginu í þrjú form sem eru ca 22cm í þvermál. Bakið í 18-20 mínútur.

  • Leyfið botnunum að kólna vel áður en kökudeigskremið er sett á milli.

Kökudeig:

150gr smjör

150 ml sykur

150 ml púðursykur

1 tsk vanilludropar

1/4 tsk salt

1 1/2 bolli hveiti

4 msk mjólk

1/2 bolli rjómasúkkulaðidropar

Kökudeig-aðferð:

  • Smjör, sykur, púðursykur og vanilludropar sett í hrærivél og hrært vel.

  • Þurrefnunum blandað út í og hrært.

  • Bætið mjólk út í þannig að kökudeigið sé ca eins þykkt og smjörkrem (Sjá myndband)

  • Bætið súkkulaðidropunum út í og hrærið lítið (gott að nota sleikju)

  • Setið fyrsta botninn á kökufat og dreifið helmingnum af kökudeiginu á botninn.

  • Setjið næsta botn ofaná og dreifið seinni helmingnum af kökudeiginu á þann botn.

  • Þriðji botninn fer svo ofan á kökudeigið.

Karamellufrosting:

2 msk smjör

3 msk rjómi

1/2 bolli púðursykur

-

1/2 tsk vanilludopar

1/4 tsk salt

-

1 bolli flórsykur

Karamellufrosting – aðferð:

  • Smjör, rjómi og púðursykur sett í lítinn pott og suðan látin koma upp.

  • Haldið suðunni í 1 mínútu og hrærið stanslaust á meðan.

  • Slökkvið undir og takið af hellunni.

  • Bætð vanilludropum og salti út í heita blönduna.

  • Setjið í hrærivélarskál.

  • Flórsykrinum er svo bætt út í skálina og hrært örlítið.

  • Hér þarf að hafa hraðar hendur því þetta harðnar hratt.

  • Hellið Karamellunni yfir kökuna og leyfið henni að leka út af kökunni.

Púðursykurssmjörkrem:

50 ml púðursykur

2 msk smjör

2 msk rjómi

-

100gr smjör

1 1/2 bolli flór sykur

Púðursykurssmjörkrem:

  • Púðursykur, smjör og rjómi sett í pott og suðan látin koma upp.

  • Haldið suðunni í 1 mínútu og hrærið stanslaust á meðan.

  • Takið af hitanum og slökkvið undir.

  • Leyfið blöndunni að kólna vel

  • Þeytið 100gr af smjörinu í hrærivél á meðan þar til það verður létt og ljóst

  • -

  • Bætið blöndunni hægt í mjórri bunu út í og hrærið á meðan (blandan verður að vera orðin nægilega köld svo hún bræði ekki smjörið)

  • Flórsykrinum bætt út í, ½ bolla í einu.

  • Hrært vel þar til smjörkremið er orðið létt og ljóst.

  • Smjörkremið er svo sett í sprautupoka og 8 toppar eru settir með jöfnu millibili á kökuna.

  • Síðan er ein smákaka sett á hvern topp og þá er kakan klár!

Agnes Emma litli aðstoðarbakarinn minn fyglist spennt með mömmu sinni.

Svo er bara að njóta með bestu lyst!

  • Instagram Social Icon

©2020 by unnuranna.com