Our Recent Posts

Tags

No tags yet.

Snjókarlamöffins með Sírópskremi


Jólin nálgast hratt! Aðeins 7 dagar í þau. Allt á fullu, gjafaleiðangur, jólakortadund, jólaboð og svo mætti lengi telja. Það má samt ekki gleyma að baka, borða, njóta – og blogga. Þessir snjókallar glöddu marga þegar ég gerði þá.

Þeir eru ótrúlega krúttlegir og ótrúlega bragðgóðir! Þeir virðast ótrúlega erfiðir í gerð, en þeir eru það alls ekki.

það þarf bara að nenna að dunda sér aðeins

Möffins – Innihald:

225 gr smjör

2 bollar sykur

1 vanillustöng, skorin langsum og baunirnar fjarlægðar með hníf (eða 1 tsk vanillukorn sem hægt er að kaupa í dollum)

5 stór egg

Tæpir 3 bollar hveiti

Tæpur 1/3 bolli Maizenamjöl

2 teskeiðar lyftiduft

1 lítil dós sýrður rjómi

Aðferð:

  • Hitið ofninn í 180 gráður.

  • Smjör og sykur hrært saman þar til smjörið er orðið ljóst og létt.

  • Eggjum bætt út í blönduna, einu í einu og hrært vel á milli.

  • Vanillukorni bætt út í og blandað vel saman við.

  • Blandið saman í aðra skál hveiti, maizenamjöli og lyftidufti.

  • Með hrærivélina stillta á lágann snúning, blandið hveitiblöndunni rólega saman við smjörblönduna.

  • Bætið við sýrða rjómanum, hrærið aðeins, en ekki of lengi.

  • Setjið möffinsin í möffinsform, gott að nota ísskeið.

  • Bakið í um 20-25 mínútur.

  • Gott er að stinga prjóni í kökuna þegar tíminn er liðinn. Ef það festist ekkert deig á prjóninum, þá er kakan til.

  • Leyfið svo kökunum að kólna.

  • ATH! Ef þið gerið heila uppskrift af möffins þá væri fínt að gera 1 og ½ uppskrift af kreminu

Kremið – Innihald:

1 bolli síróp 4 msk sykur 2 stífþeyttar eggjahvítur

Aðferð:

  • 1 bolla af sírópi og 4 msk af sykri sett í pott og brætt.

  • Á meðan blandan bráðnar eru eggjahvíturnar stífþeyttar.

  • Sykurblöndunni er svo bættt út í eggjahvíturnar í mjórri bunu og hrært þar kremið verður þykkt

  • Svo er kreminu sprautað á möffinsið, með hringlaga, stórum stút og sprautið þrjá hringi til að gera búkinn á snjókarlinn.

Svo eru það snjókarlarnir sjálfir:

Snjókarlar – Innihald:

1pk Meðalstórir sykurpúðar (hausinn)

½ plata bráðið suðusúkkulaði (fyrir augu, munn og hendur)

Kasjú hnetur (fyrir nef. Einnig er hægt að nota gulrætur, skornar út sem nef)

Kökuskraut (fyrir hnappana á búknum)

Aðferð:

Mér finnst best að byrja að gera nefin.

  • Takið kasjúhneturnar, takið þær í tvennt eftir endilöngu og skerið hvorn part í tvennt. Þá eru komin 4 nef. Athugið að stundum eru hneturnar eiga það stundum til að brotna við þetta, en þá tók ég bara nýja.

  • Takið hníf og skerið með hnífnum djúpa holu í miðjuna á sykurpúðanum.

  • Takið því næst kasjúhnetu-nefin og stingið í holurnar þannig að þau festist.

  • Svo er gott að gera augun, munninn og hendurnar:

  • Bræðið súkkulaðið og setjið í sprautu með mjóum oddi.

  • Sprautið litlar kúlur fyrir augun

  • Og 5 kúlur fyrir neðan nefið, fyrir munninn.

  • Gerið svo tvær hendur á kremin.

Svo setjið þið hausana á kremin, og þrjú kökuskrautskúlur á kremið, og þá er snjókarlinn tilbúinn!

Einfalt, en mikið dund

- Unnur Anna -

  • Instagram Social Icon

©2020 by unnuranna.com