Holl súkkulaðikaka

June 4, 2018

Ég er ekki mikið fyrir súkkulaði. Það kemur mörgum á óvart og ég fæ alltaf sömu, viðbrögðin: „æi, hvað ég vorkenni þér“  eða „Færðu þér þá ekki páskaegg?“ og „Drekkurðu heldur ekki heitt súkkulaði?“ og svarið við þessu öllu er nei.  Það þarf ekki að vorkenna mér fyrir að borða ekki eitthvað sem mér finnst vont, ég fæ mer reyndar stundum páskaegg en ég er meira fyrir nammið inn í því. En mér finnst ótrúlega gaman að gleðja aðra með súkkulaðikökum! Þessi sunnudagskaka er holl súkkulaðikaka, uppskriftin er frá Sollu, hún er mjög girnileg og allir sem ég hef bakað hana fyrir finnst hún ómótstæðileg.

 

 

Botn – Innihald:

 

100 g möndlur
100 g kókosmjöl
250 g döðlur
2-3 msk hreint kakóduft
1/2 tsk hreint vanilluduft

 

Aðferð:


Setjið allt í matvinnsluvél og blandið vel saman, þjappið vel í form, annað hvort eitt stórt, eða mörg lítil (möffins)

 

Súkkulaðikrem – Innihald:


1 dl Kaldpressuð kókosolía
1 dl hreint kakóduft
1/2 dl Agavesýróp (Má líka nota Yaccon, maple eða good good)

 

Aðferð:

  • Setjið kókosolíukrukkuna í skál með heitu vatni svo hún verði í fljótandi. Passið að hafa vatnið þó ekki of heitt, helst ekki heitara en 45°C, því þá verður súkkulaðið matt og þykkt, sem er víst ekki eins gott ;).

  • Setjið síðan fljótandi kókosolíu, kakóduft og agavesýróp í skál og hrærið þessu saman. Hellið síðan yfir kökuna og setjið inn í frysti í 1-2 klst.

    ​ATH!

  • Ég hef stundum gert 1 1/2 uppskrift af botninum, því hann er svolítið þunnur. Það er mjög gott að setja jarðaber eða bláber ofan á kökuna og bera hana fram með rjóma, eða hrísrjóma! 

 

Verði ykkur að góðu!
– Unnur Anna - 

 

 

 

 

Please reload

Our Recent Posts

Ávextir með Súkkulaðirjóma!

July 30, 2018

Súkkulaðibitasmáköku-terta!

July 12, 2018

Sykur- og glúteinlausar ostakökur

June 13, 2018

1/1
Please reload

Tags

I'm busy working on my blog posts. Watch this space!

Please reload

©2018 by unnuranna.com

  • Instagram Social Icon