Gerðu fullkomlega jafnar möffins og smákökur í hvert skipti með þessu ráði!

Þegar ég geri bollakökur, möffins, smákökur eða einhverjar aðrar litlar kökur þykir mér fallegast að hafa þær allar jafnstórar. Þetta vafðist fyrir mér í mörg ár þar sem ég notaðist alltaf við tvær matskeiðar að setja ofan í form eða á bökunarpappírinn og náði aldrei að setja alveg jafnt ofan í hvert.

★★★

Síðan, splæsti ég í ísskeiðar, eina stóra og eina litla. Eftir það eru allar mínar smákökur jafnstórar, miklu minni sóðaskapur og maður er helmingi fljótari!

Litlu ísskeiðarnar nota ég í flestar smákökur, sem og litlar mini cupcakes.

Stóru ísskeiðarnar nota ég fyrir venjulega stærð af cupcakes og aðrar stærri kökur. Þetta er algjörlega fool-proof ráð og maður snýr sko ekki aftur í matskeiðarnar eftir þetta.

Litlar ísskeiðar er hægt að fá hér í Allt í Köku.

Stærri ísskeiðarnar fást meðal annars hér hjá Kúnígúnd

Ég vona að þetta ráð hafi hjálpað einhverjum!

- Unnur Anna -